சென்னை : இஸ்கான் சார்பில், இலவச, ஆன்-லைன் வாராந்திர நிகழ்ச்சி, 22ம் தேதி துவங்குகிறது. இஸ்கான் எனப்படும், அகில உலக கிருஷ்ண பக்தி இயக்கத்தின், சென்னை பிரிவு சார்பில், 6 முதல், 12 வயதிற்கு உட்பட்ட சிறார்களுக்கு, பக்தி மண்டலம் எனும் தலைப்பிலான, இலவச, ஆன்-லைன் நிகழ்ச்சி துவக்கப்படுகிறது.இதில், இந்திய மலைகளின் விபரங்கள், ஸ்லோகம், பஜன், ஓவியம், பெயின்டிங், கைவினைப் பொருட்கள் தயாரிப்பு ஆகியவை போதிக்கப்படுகின்றன.அதேபோல, 13 வயது முதல், 17 வயது வரை உள்ளவர்களுக்கு, சப்த ரிஷிகள் குறித்து போதிப்பதோடு, குழு கலந்துரையாடலும் நடக்கிறது. வாரத்தில் ஒருநாள், குறைந்தபட்சம் அரை மணி நேரம் என, ஓராண்டிற்கு நடத்தப்படும் இந்நிகழ்ச்சி, 22ம் தேதி துவங்குகிறது. இதில், பங்கேற்க விருப்பமுள்ள சிறார்கள் வரவேற்கப்படுகின்றனர்.மேலும், தொடர்புக்கு, 92821 57776, 97899 21942 ஆகிய எண்களை தொடர்பு கொள்ளலாம்.இவ்வாறு, இஸ்கான் கோவில் தலைவர் சுமித்ரா கிருஷ்ண தாஸ் தெரிவித்துள்ளார்.