பேரூர் : பேரூர் ஆதீனத்தில் ஆனித் திருமஞ்சன திருவிழா சிறப்புற நடைபெற்றது. நடராஜப்பெருமானுக்கு ஆண்டுதோறும் ஆறு அபிஷேகங்கள் சிறப்பு பெறும்.இந்த ஆண்டு ஆனி திருமஞ்சன அபிஷேகம் விழா  சாந்தலிங்க அடிகளார் திருமடத்தில் சிறப்புற நடைபெற்றது. வேள்வி வழிபாடு, 108 சங்காபிஷேகம், நடராஜப்பெருமானுக்கு 16 வகை திரவியங்களால் அபிஷேகம் ,நூறாயிரம் பரவுதல் ஆகிய வழிபாடுகள் நடைபெற்றன. பேரூர் ஆதீனம் சாந்தலிங்க மருதாசல அடிகளார் முன்னிருந்து இந்த வழிபாடுகளை சிறப்புற செய்தார். நிகழ்ச்சியில் பன்னிரு திருமுறைகள் பாடப்பட்டன.விழாவின் நிறைவில் நடராஜப் பெருமான் திருவீதி உலாவும் அன்னதானமும் வழங்கப்பட்டது. சமூக இடைவெளி விட்டு இந்த நிகழ்ச்சியில் நடத்தப்பட்டது.