திட்டக்குடி: திட்டக்குடி அடுத்த குமாரை கிராமத்தில் உள்ள சிதம்பரேஸ்வரர் கோவிலுக்கு சொந்தமான நிலங்கள் குத்தகைக்கு ஏலம் விடப்பட்டது.

திட்டக்குடி அடுத்த குமாரை கிராமத்தில் சிதம்பரேஸ்வரர் கோவிலுக்கு சொந்தமான 14ஏக்கர் நிலம் உள்ளது. இந்த நிலத்திற்கு நடப்பாண்டிற்கான குத்தகை ஏலம் நேற்று நடந்தது. கோவில் செயல்அலுவலர் தின்ஷா, கோவில் ஆய்வாளர் தேவராஜ் முன்னிலையில் கிராம பொதுமக்கள் ஏலத்தில் கலந்து கொண்டனர். ஆரம்ப ஏலத்தொகையை நிர்ணயிப்பதில் பொதுமக்கள், அதிகாரிகள் இடையே வாக்குவாதம் ஏற்பட்டது. இதையடுத்து திட்டக்குடி போலீசார் வரவழைக்கப்பட்டு, போலீஸ் பாதுகாப்புடன் ஏலம் நடைபெற்றது. 14 ஏக்கர் நிலம் ஒரு லட்சத்து 75 ஆயிரம் ரூபாய்க்கு ஏலம் போனது. ஏலத்தில் முகக்கவசம் அணிந்தவர்களுக்கு மட்டுமே அனுமதி அளிக்கப்பட்டது. மேலும், சமூக இடைவெளியுடன் பொதுமக்கள் அமர வைக்கப்பட்டு ஏலம் நடந்தது.