புதுச்சேரி : அகில இந்திய ஆதிசைவ சிவாச்சாரியார்கள் சேவா சங்கத்தின் புதுச்சேரி மாநில புதிய நிர்வாகிகளுக்கு அகில இந்திய துணைத் தலைவர் திருநள்ளார் ராஜா சுவாமிநாத சிவாச்சாரியார் பதவிப் பிரமாணம் செய்து வைத்தார்

புதுச்சேரி ஸ்ரீ கோகிலாம்பிகை சமேத ஸ்ரீ கல்யாணசுந்தரர் கோவிலில் நேற்று அகில இந்திய ஆதிசைவ சிவாச்சாரியார்கள் சேவா சங்கத்தின் கூட்டம் நடைபெற்றது இந்த கூட்டத்தில் பழைய பொறுப்பாளர்களின் பதவிக்காலம் முடிவடைந்ததைத் தொடர்ந்து மாநில தலைவராக பாலசுப்ரமணிய சிவாச்சாரியார், துணைத்தலைவராக சிவராம சிவாச்சாரியார், செயலாளராக அர்தனாரி சிவாச்சாரியார், இணை செயலாளராக சபரிகிரீசா சிவாச்சாரியார், பொருளாளராக சீதாராமன் சிவாச்சாரியார், செய்தி தொடர்பாளராக சந்திரமவுலீஸ்வரர் சிவாச்சாரியார், சட்ட ஆலோசகராக பாகீரதி,  கொள்கை பரப்புச் செயலாளராக சேது சுப்பிரமணிய சிவாச்சாரியார் மற்றும் தொகுதிவாரியாக 16 செயற்குழு உறுப்பினர்கள் தேர்ந்தெடுக்கப்பட்டனர். தேர்ந்தெடுக்கப்பட்ட புதிய  நிர்வாகிகளுக்கு சங்கத்தின்  அகில இந்திய துணைத் தலைவர் திருநள்ளார் ராஜா சுவாமிநாத சிவாச்சாரியார் பதவிப் பிரமாணம் செய்துவைத்தார்.  கொரோனா வைரஸ் பரவல் காரணமாக எளிமையாக நடைபெற்ற இந்நிகழ்ச்சியில் புதுச்சேரி எம்பி வைத்திலிங்கம் கலந்து கொண்டு புதிய நிர்வாகிகளுக்கு சான்றிதழ்களை வழங்கி வாழ்த்தினார். அவருக்கு சங்கத்தின் சார்பில் நினைவு பரிசு வழங்கப்பட்டது. நிகழ்ச்சியில் திருஞானசம்பந்த சிவாச்சாரியார், சக்தி சிவாச்சாரியார் மற்றும் காரை மாவட்ட பொருளாளர் ரமேஷ் சிவாச்சாரியார் உள்ளிட்டோர் கலந்து கொண்டனர்.