புன்செய்புளியம்பட்டி: கரிவரதராஜ பெருமாள் கோவிலில், புரட்டாசி சனிக்கிழமைகளில் நடக்கும், சிறப்பு பூஜை உற்சவம், வழிபாடு ரத்து செய்யப்பட்டு, பக்தர்கள் தரிசனத்திற்கு மட்டும் அனுமதிக்கப்படுவர், புன்செய்புளியம்பட்டி, கோவில்புதூரில் கரிவரதராஜபெருமாள் கோவில் உள்ளது. புரட்டாசி மாதத்தில், ஐந்து சனிக்கிழமைகளில் சிறப்பு பூஜை நடக்கும். அபிஷேகம், திருமஞ்சன பூஜையில், கரிவரதராஜ பெருமாள் சிறப்பு அலங்காரத்தில் பக்தர்களுக்கு அருள்பாலிப்பார். விவசாயிகள், தாங்கள் விளைவித்த காய்கறிகளை, தாசர்களுக்கு படைத்து சிறப்பு வழிபாடு செய்வர். புரட்டாசி சனிக்கிழமைகளில், உற்சவம், சிறப்பு பூஜை, சுவாமி புறப்பாடு, அன்னதான நிகழ்ச்சிகள் ரத்து செய்யப்பட்டு, தரிசனத்திற்கு மட்டும் பக்தர்கள் அனுமதிக்கப்படுவர் என, ஹிந்து சமய அறநிலையத்துறை அதிகாரிகள் தெரிவித்தனர்.