சூலூர்: சின்னியம்பாளையம் ஊராட்சியில், கோவில் அருகே குப்பை குவிந்து கிடப்பதால், பக்தர்கள் வேதனை யடைந்துள்ளனர்.

சூலூர் அடுத்த சின்னியம் பாளையம் ஊராட்சியில், ஊரின் வட க்குப்பகுதியில், பொன் மாரியம்மன் கோவில் உள்ளது. இந்த கோவிலின் அருகில் கரையாம்பாளையம் செல்லும் வழியில் குப்பை குவிந்து கிடப்பதால், பக்தர்கள் வேதனை அடைந்துள்ளனர். இதுகுறித்து பக்தர்கள் கூறுகையில், சின்னியம் பாளையத்தில் இருந்து கரையாம்பாளையம் செல்லும் வழியில் கோவில் உள்ளது. இந்த வழியில் பல இடங்களில் குப்பை குவிந்து கிடக்கிறது. பிளாஸ்டிக் கவர்கள், மதுபாட்டில்கள் குவிந்து கிடக்கின்றன. கடும் துர்நாற்றம் வீசுகிறது. சுகாதார சீர்கேடு ஏற்பட்டுள்ளது. நிம்மதியாக சுவாமிகூட கும்பிட முடியவில்லை. குப்பை கொட்டுவதை தடுக்கவும், இருக்கும் குப்பையை அகற்றவும் ஊராட்சி நிர்வாகம் நடவடிக்கை எடுக்க வேண்டும் என்றனர்.