நடுவீரப்பட்டு; நடுவீரப்பட்டு காமாட்சியம்மன் சமேத கைலாசநாதர் கோவிலில் கந்தசஷ்டி விழாவில் நேற்று சக்திவேல் வாங்குதல் நடந்தது.நடுவீரப்பட்டு காமாட்சியம்மன் சமேத கைலாசநாதர் கோவிலில் கந்தசஷ்டி விழா கடந்த 15 ம் தேதி கொடியேற்றத்துடன் துவங்கியது. தினமும் சுவாமி வீதியுலா நடந்து வருகிறது. நேற்று மாலை 4:00 மணிக்கு விநாயகர், முருகர், வீரபாகு உள்ளிட்ட அனைத்து சுவாமிகளுக்கும் சிறப்பு அபிேஷக ஆராதனைகள் நடந்தது. இரவு 7:00 மணிக்கு முருகர் காமாட்சியம்மனிடம், சக்திவேல் வாங்குதல் நிகழ்ச்சி நடந்தது. பின்னர் முருகர் சிங்கமுக சூரன் வதம் செய்தல் நடந்தது. இன்று சூரசம்ஹார திருவிழா நடக்கிறது.