மூலம் :  ஏழரை சனியின் பிடியில் கடந்த ஆறு ஆண்டுகளாக பட்ட சிரமங்களைக் கணக்கிடும்போது வரவுள்ள சனிப்பெயர்ச்சி தங்களுக்கு முன்னேற்றத்தினைத் தரும் வகையில் அமையும். இதுவரை ஜென்ம இராசியில் அமர்ந்து கோலோச்சிய சனி பகவான் இனி இரண்டாம் இடமாகிய தன ஸ்தானத்தில் அமர உள்ளார். சனியின் சோதனை என்பது நமது நன்மைக்குத்தான் என்பதனை உணர்ந்துகொள்ள வேண்டும். நீங்கள் சிரமப்பட்டு சம்பாதிக்கும் பணத்தினை வீண் விரயமாகாமல் தடுத்தி நிறுத்தி உங்களைக் காப்பதாக பொருள் கொள்ளவேண்டும். உங்களுடைய சம்பாத்யம் ஏதோ ஒரு வகையில் சேமிப்பில் சென்றுவிடுவதால் அன்றாட செலவுகளுக்கு சற்று சிரமப்படுவீர்கள். வரும் மூன்று ஆண்டுகளில் உடல்நிலையில் சிறப்பு கவனம் தேவை. உடல்நிலை நன்றாக இருந்தால் மற்ற சோதனைகளை எளிதில் கடந்துவிட முடியும் என்பதை நினைவில் கொள்ளவும்.

குடும்பம் : உடன்பிறந்தோருடன் இருந்து வந்த கருத்து வேறுபாடுகள் விலகும். அவர்களோடு இணைந்து செயல்பட்டால் குடும்பத்தில் இருந்து வரும் சலசலப்புகளை அடியோடு களைய முடியும். சொத்து விவகாரங்களில் இருந்து வரும் பிரச்னைகள் விலகும். தாயார் வழி உறவினர்களால் அனுகூலமான நிலை தோன்றும். அவர்களால் சற்று கூடுதல் செலவுகளுக்கு ஆளானாலும் கூட மன நிம்மதி காண்பீர்கள். பிள்ளைகளின் வாழ்வியல் நிலை உயரக் காண்பீர்கள். குடும்பத்தில் சுபநிழ்வுகளை எதிர்பார்க்கலாம்.

பரிகாரம் : மஹிஷாசுரமர்த்தினியை வணங்கி வாருங்கள். வளர்பிறை அஷ்டமி நாட்களில் ஏதேனும் ஒரு பிச்சைக்காரருக்கு உணவளிக்கவும்.

கல்வி : தேர்வு நேரத்தில் ஞாபக மறதித் தொந்தரவால் சற்று அவதிப்பட நேரிடலாம். கூடுதலான எழுத்துப் பயிற்சியும், நண்பர்களோடு இணைந்து மேற்கொள்ளும் கூட்டுப் பயிற்சியும் அதிக நன்மை தரும். காமர்ஸ், எக்கனாமிக்ஸ், ஆடிட்டிங், அக்கவுண்டன்சி, கணிதம், மொழிப்பிரிவு பாடங்கள் ஆகியத் துறைகளில் மாணவர்கள் அதிக கவனம் செலுத்த வேண்டியது அவசியம். போட்டித்தேர்வுகள், நேர்முகத் தேர்வுகள் ஆகியவற்றை தைரியமுடன் எதிர்கொள்ள சிறிதளவு துளசி தீர்த்தத்தினைப் பருகிவிட்டுச் செல்லவும்.

பரிகாரம் : அபிராமி அந்தாதி படித்து வருவது நன்மை தரும். தமிழ்மாதத்தின் முதல் வெள்ளிக்கிழமை நாளில் கோபூஜை செய்து வழிபடவும்.

உடல்நிலை: ஹைபர் டென்ஷன் போன்றவற்றால் பாதிக்கப்படக்கூடிய வாய்ப்புகள் உள்ளது. அற்பமான விஷயங்களுக்குக்கூட அதிக முக்கியத்துவம் அளிப்பதால் டென்ஷன் கூடுகிறது. சர்க்கரை வியாதிக்காரர்கள், இரத்தக்கொதிப்பு நோய் உள்ளவர்கள், இரத்தத்தில் கூடுதல் கொழுப்பு உள்ளவர்கள் உடல்நிலையில் சிறப்பு கவனம் செலுத்த வேண்டியது அவசியம்.

பரிகாரம் : ஆதிபராசக்தி அன்னையை வழிபட்டு வாருங்கள். அம்மனுக்கு பால் அபிஷேகம் செய்து வழிபடுவதும் நன்மை தரும்.