பரிகாரம் : திருப்பாவை, திருவெம்பாவை பாடல்களைப் படித்து வாருங்கள்.
சந்திராஷ்டமம் : டிச. 31

பூராடம் :   ராசிநாதன் குருவின் நீச பலமும் நட்சத்திர அதிபதி சுக்ரனின் 12ம் இடத்து அமர்வும் ஒரு சில குழப்பங்களைத் தந்து கொண்டிருக்கும். ஆயினும் மனநிலையை முகத்தில் வெளிக்காட்டாமல் தைரியத்துடன் செயல்பட்டு வருவீர்கள். இந்த மாதத்தில் மற்றவர்கள் நம்மை பெருமையாக நினைக்க வேண்டும் என்ற வீண் கௌரவத்திற்காக முன்பின் யோசிக்காமல் ஒரு சில காரியங்களில் இறங்கி மாட்டிக் கொள்ளும் வாய்ப்பு உண்டு. இதனால் கடுமையான வேலை பளு கூடுவதோடு நீங்கள் திட்டமிட்டிருந்ததை விடக் கூடுதலாக செலவு ஆவதைத் தவிர்க்க முடியாது. ஆக எதிலும் யோசித்து முடிவெடுப்பது நல்லது. சுக்ரனின் இடமாற்ற நிலையினால் ஜன. ஆறா முதல் தொடர்ந்து பொருள் வரவு நன்றாக இருந்து வரும். வாயிலிருந்து வெளிப்படும் வார்த்தைகளில் நகைச்சுவை உணர்வினை உணர்வீர்கள். ருசியான உணவு வகைகளை உண்பதில் அலாதி பிரியம் கொள்வீர்கள். குடும்பத்தில் மகிழ்ச்சி நிலவி வரும். உடன்பிறந்தோரின் உதவியால் நீண்ட நாட்களாக முடியாமல் இருந்த காரியம் ஒன்றினை அதிக அலைச்சலுக்குப் பிறகு செய்து முடிப்பீர்கள். உறவினர்களின் வருகை குடும்பத்தில் அநாவசிய குழப்பங்களைத் தோற்றுவிக்கும். மாணவர்கள் பாடங்களில் உண்டாகும் சந்தேகங்களை தயங்காமல் ஆசிரியரிடம் கேட்ட தெளிவு பெற வேண்டியது அவசியம். மனதிற்குள் அவ்வப்போது சோம்பல்தன்மை எட்டிப்பார்க்கும். உடல்நிலையில் அவ்வப்போது அசதியை உணர்வீர்கள். வாழ்க்கைத்துணையின் வார்த்தைகளை தட்டாமல் செயல்படுத்துவது நல்லது. நண்பர்களோடு இணைந்து செய்து வரும் தொழில்களில் நல்ல ஆதாயத்தினைக் காண்பீர்கள். வியாபாரிகள் கூடுதல் அலைச்சலை சந்தித்தாலும் அதற்கேற்ற லாபத்தினைக் காண்பார்கள். கலைத்துறையினர் அந்நிய தேசத்திலிருந்து ஆவலுடன் எதிர்பார்த்துக் காத்திருந்த தகவல் ஒன்று இந்த மாதத்தில் வந்து சேரும். உத்யோகஸ்தர்கள் அலுவலகத்தில் தங்கள் திறமையை நிரூபித்து மேலதிகாரியின் பாராட்டினைப் பெறுவர். நன்மையைத் தரும் மாதமிது.
சந்திராஷ்டமம் : ஜன. 1

உத்திராடம் 1ம் பாதம் :  நேரம் சாதகமாக இல்லாததை உணர்ந்து எதிலும் நிதானத்தைக் கடைபிடிப்பீர்கள். ராசிநாதன் குரு நீசம் பெற்றாலும் நட்சத்திர அதிபதி சூரியன் ஜென்ம ராசியில் அமர்வதால் தைரியம் கூடும். குறைவாகப் பேசினாலும் ஆணித்தரமாகப் பேசுவீர்கள். வார்த்தைகளில் வெளிப்படும் கூர்மையான கருத்துக்கள் உங்களைச் சுற்றியுள்ளவர்களின் மனதில் பதியும் வகையில் அமையும். குடும்பத்தில் தொடர்ந்து மகிழ்ச்சியான சூழல் நிலவி வரும். பொருளாதார நிலை இழுவையாக இருந்து வரும். உடன் பிறந்த சகோதரிகளால் நன்மை அடையும் அதே நேரத்தில் சகோதரர்களால் சிறுசிறு பிரச்சனைகளுக்கு ஆளாகலாம். வண்டி, வாகனங்களால் செலவுகளைச் சந்திக்க நேரிடும். தாயாரின் உடல்நிலையில் கவனம் செலுத்துவது நல்லது. பிள்ளைகளின் உணர்வுகளுக்கு மதிப்பளித்து செயல்பட வேண்டிய நேரம் இது. அவர்களுடைய வேகமான செயல்பாட்டினைக் கண்டு பெருமைகொள்ளும் அதே நேரத்தில் அவர்களைப் பற்றிய இனம் புரியாத பயமும் மனதில் குடிகொள்ளும். நீங்கள் அவர்களின் நலன் கருதி பேசும் வார்த்தைகள் தவறாகப் புரிந்துகொள்ளப்பட்டு அவர்களின் மனதினை புண்படுத்தக் கூடும். அஜீரணக் கோளாறுகளால் உடல்நிலையில் சிரமத்தைக் காண நேரிடும். வாழ்க்கைத்துணையின் கருத்துக்கள் உங்களுக்கு சிறந்த ஆலோசனையாக அமையும். வெளியில் இருந்து வர வேண்டிய பணவரவுகள் சரியான நேரத்திற்கு வராது சிரமத்தைத் தரும். பணம் கொடுக்கல் வாங்கலில் ஈடுபடலாகாது. குடும்பத்தில் பாகப்பிரிவினை போன்ற செயல்களைச் செய்ய ஏதுவான காலமாக இருக்கும். அரசு தரப்பு காரியங்கள் எளிதில் முடியாமல் இழுபறியைத் தரும். மாணவர்கள் மனப்பாடக் கலையில் முன்னேற்றம் காண்பர். கலைத்துறையினர் கடும் அலைச்சலை சந்திக்க வேண்டி இருக்கும். சரிசம பலன்களைத் தரும் மாதம் இது.

பரிகாரம் : திருவாசகப் பாடல்களைப் படித்து வாருங்கள்.
சந்திராஷ்டமம் : ஜன. 2

« முந்தைய

அடுத்து »