பதிவு செய்த நாள்
28
ஜன
2021
10:01
திருக்கழுக்குன்றம் - திருக்கழுக்குன்றம் வேதகிரீஸ்வரர் கோவிலில், இன்றும், நாளையும், தெப்பம் திருவிழா நடைபெறுகிறது.திருக்கழுக்குன்றத்தில் புகழ்பெற்ற வேதகிரீஸ்வரர் கோவில் உள்ளது. இக்கோவிலை சார்ந்த சங்கு தீர்த்த குளத்தில், ஆண்டுதோறும், தைப்பூசத்தன்று தெப்பம் திருவிழா நடைபெறும்.இந்தாண்டு தெப்பம், இன்று சங்குதீர்த்த குளத்திலும், நாளை, ரிஷப தீர்த்த குளத்திலும் நடைபெறுகிறது.சங்கு தீர்த்த குளத்தில் வேதகிரீஸ்வரர், திரிபுரசுந்தரி அம்மன், மலர் அலங்காரத்தில் தெப்பலில் மூன்று முறை சுற்றி வருவர். அதேபோல், தாழக்கோவில் ரிஷபதீர்த்த குளத்தில், ஒன்பது முறை சுற்றி, பக்தர்களுக்கு அருள்பாலிக்க உள்ளனர்.