அன்னூர்: அன்னூர், மன்னீஸ்வரர் கோவிலில், மகா சிவராத்திரி விழா வரும், 11ம் தேதி நடக்கிறது.

மேற்றலை தஞ்சாவூர் என்று அழைக்கப்படும் அன்னூர், மன்னீஸ்வரர் கோவிலில், மகா சிவராத்திரியை முன்னிட்டு, வருகிற 11ம் தேதி இரவு 7:00 மணிக்கு முதல் கால அபிஷேக ஆராதனை நடக்கிறது. இரவு 11:00 மணிக்கு, இரண்டாம் கால அபிஷேகமும், நள்ளிரவு 1:00 மணிக்கு, மூன்றாம் கால அபிஷேகமும், மறுநாள் அதிகாலை 3:30 மணிக்கு, நான்காம் கால அபிஷேக பூஜையும் நடக்கிறது. 11ம் தேதி இரவு 9:00 மணி முதல் அச்சம்பாளையம், சண்முகம் குழுவின் பஜனை மறுநாள் காலை வரை விடிய விடிய நடக்கிறது. சிவராத்திரியன்று விரதமிருந்து, கண்விழித்து, சிவபெருமானை வழிபட்டால் நற்கதி அடையலாம் என்பது ஐதீகம். விழா ஏற்பாடுகளை, கோவில் நிர்வாகத்தினர் செய்து வருகின்றனர்.