பண்ருட்டி: பண்ருட்டி வரதராஜ பெருமாள் கோவிலில் அமாவாசையை முன்னிட்டு உற்சவர் பெருமாள் திருக்கண்ணாடி அறையில் பக்தர்களுக்கு அருள்பாலித்தார். பண்ருட்டி பெருந்தேவி தாயார் சமேத வரதராஜ பெருமாள் கோவிலில் மாசி மாத அமாவாசையை முன்னிட்டு நேற்று முன்தினம் காலை 7:00 மணிக்கு சுப்ரபாதம், காலை 8:00 மணிக்கு விஸ்வரூப தரிசனம், காலை 9:00 மணிக்கு மூலவர் பெருமாள், ஸ்ரீதேவி, பூதேவி சகிதமாக சிறப்பு அலங்காரத்தில் அருள்பாலித்தார். மாலை 4:00 மணிக்கு நடை திறப்பு, 6:00 மணிக்கு உற்சவர் பெருமாள் ஸ்ரீதேவி, பூதேவி சகிதமாக சிறப்பு அலங்காரத்தில் உள்புறப்பாடு நடந்து. திருக்கண்ணாடி அலங்காரத்தில் சுவாமி அருள்பாலித்தார். ஏராளமான பக்தர்கள் கலந்து கொண்டு சுவாமியை வழிபட்டனர்.