பல்லடம்: பல்லடம் அடுத்த சித்தம்பலம் கோவிலில் ஸ்ரீவில்லிபுத்தூர் ஆண்டாள் கோவில் ஜீயர் சுவாமி தரிசனம் செய்தார்.

கோவை மாவட்டம், சூலூர் கண்ணம்பாளையத்தில் உள்ள தனியார் கோவில் கும்பாபிஷேகத்துக்கு ஸ்ரீவில்லிபுத்தூர் ஆண்டாள் கோவிலை சேர்ந்த ஸ்ரீசடகோப ராமானுஜ ஜீயர் பங்கேற்றார். கும்பாபிஷேகம் முடிந்து ஸ்ரீவில்லிபுத்தூர் திரும்பிய அவர், பல்லடம் சித்தம்பலம் நவகிரக கோட்டைக்கு வருகை தந்தார். காமாட்சிபுரி ஆதீனம் சிவலிங்கேஸ்வர சுவாமிகள் அவருக்கு சிறப்பான வரவேற்பு அளித்தார். அங்கு நடந்த சிறப்பு பூஜையில் பங்கேற்ற ஜீயர், அங்குள்ள நவகிரக சிற்பங்கள், மற்றும் மூலவரை பார்த்து வியந்தார். நேர்த்தியான முறையில் சிறப்பாக வடிவமைக்கப்பட்டுள்ளதாக கூறினார். தொடர்ந்து மூலவரை தரிசித்த ஜீயர், தீபாராதனை காட்டினார். கோவிலில் தரிசனம் செய்வதற்காக சிவலிங்கேஸ்வர சுவாமிகள் ஜீயருக்கு நன்றி தெரிவித்தார்.