அதேசமயம் பக்தர்கள் சுவாமி தரிசனம் செய்ய நேரம் ஒதுக்கீடு செய்யப்பட்டுள்ளது. சுவாமி புறப்பாடு காலங்களில் பக்தர்களுக்கு அனுமதியில்லை என கோயில் நிர்வாகம் தெரிவித்துள்ளது. ஏப்.,15 கொடியேற்றம் நாளன்று பக்தர்கள் காலை 6:00 - 9:00 மணி வரை, காலை 11:30 - மதியம் 12:30 மணி வரை, மாலையில் 4:00 மணி - 5:30, இரவு 7:30 - 9:00 மணி வரை தரிசனத்திற்கு அனுமதிக்கப்படுவர். அன்று காலை 9:00 - 11:30 மணி வரை சுவாமி புறப்பாடு என்பதால் பக்தர்களுக்கு அனுமதியில்லை. ஏப்., 16 முதல் 23 வரை தினமும் காலை 6:00 - 8:00 மணி வரை, 9:00 -மதியம் 12:30 மணி வரை, மாலையில் 4:00 மணி - 5:30 மணி வரை, இரவு 7:30 மணி முதல் 9:00 மணி வரை பக்தர்கள் அனுமதிக்கப்படுவர்.

இந்நாட்களில் சுவாமி புறப்பாடு நேரமான காலை 8:00 - 9:00 மணி, மாலை 5:30 - இரவு 7:30 மணி வரை தரிசனத்திற்கு அனுமதியில்லை.ஏப்.,24 திருக் கல்யாணத்தன்று காலை 9:30 - மதியம் 2:30 மணி வரை, மதியம் 3:30 - மாலை 5:30 மணி, இரவு 7:30 - 9:00 மணி வரை பக்தர்கள் அனுமதிக்கப்படுவர். ஏப்.,25 சட்டத்தேரன்று காலை 7:00 மணி முதல் மதியம் 12:30 மணி வரை, மாலை 4:00 - 5:30 மணி, இரவு 7:30 - 9:00 மணி வரையும், ஏப்., 26 காலை 7:00 - 10:30 மணி, மாலை 4:00 - 5:30 மணி, இரவு 7:30 மணி - 9:00 மணி வரை பக்தர்கள் தரிசனம் செய்யலாம்.