புதுச்சேரி: கொரோனா தொ ற்றில் இருந்து மக்கள் விரைவில் குணமடைய வேண்டி, பரத்வாஜ் சுவாமிகள், மூன்று செங்கற்கள் மீது அமர்ந்து, 3 மணி நேர வராகி யோக நிஷ்டி தியானம் செய்தார்.

நாட்டில் இருந்து கொரோனா வைரஸ் கிருமி நீங்கவும், தொற்று ஏற்பட்டவர்கள் நோய் பாதிப்பில் இருந்து விரைவில் குணமடைந்து சுகம் பெறவும், நோய் தொற்றலால் பாதித்து பிராணவாயுக்கு தவிக்கும் மக்களுக்கு, பிராண வாயுவாக வராகி அம்மன் அருள் புரியவும், நோயில் சிக்கி தவிக்கும் மக்களை காப்பாற்ற வேண்டி, சென்னை அம்பத்துார் யோகமாயா புவனேஸ்வரி பீடாதிபதி பரத்வாஜ் சுவாமிகள், அம்பத்துார் பீடத்தில், 3 செங்கற்கள் மீது அமர்ந்து, கடும் வெயிலில் 3 மணி நேரம், மடியில் வராகி அம்மன் விக்கிரகத்துடன், வராகி யோக நிஷ்டி தியானம் மேற்கொண்டார். பரத்வாஜ் சுவாமிகள் கூறுகையில்; கொரோனா தொற்றில் இருந்து பாதுகாப்பாக இருக்க கட்டாயம் முக கவசம் அணிய வேண்டும். கொரோனா நோய்தொற்றில் தவிக்கும் மக்கள் விரைவில் குணமடைய வேண்டி தியானம் செய்தேன். கொரோனா நோய் தொற்றிலிருந்து விடுப்பட்டு உலகம் மீண்டும் பழைய நிலைக்கு திரும்பும். மக்கள் நம்பிக்கையுடன் இருக்க வேண்டும். வராகி அம்மனை மனம் உருகி வேண்டி கொள்ளுங்கள், என்றார்.