ராமேஸ்வரம்: புரட்டாசி அமாவாசை அன்று அக்.,10ம் தேதி ராமேஸ்வரம் ராமநாதசுவாமி கோயிலில் மதியம் நடை சாத்தப்படும் என கோயில் இணை ஆணையர் தெரிவித்தார்.

முன்னோர்கள் ஆன்மா சாந்தியடைய வேண்டி திதி, தர்ப்பணம் பூஜை செய்ய முடியாதவர்கள் புரட்டாசி மகாளய அமாவாசையில் பூஜை செய்து சுவாமி தரிசனம் செய்வார்கள். அதன்படி அக்., 10ல் புரட்டாசி மகாளய அமாவாசை யொட்டி தமிழகத்தின் பல பகுதியில் இருந்து ஏராளமான பக்தர்கள் ராமேஸ்வரம் கோயிலுக்கு வந்து புனித நீராடி சுவாமி தரிசனம் செய்வார்கள். அன்றைய தினம் கோயில் நடை அதிகாலை 4 மணிக்கு திறந்து 5 மணி முதல் 5:30 மணி வரை ஸ்படிகலிங்க பூஜையும், காலை 6 மணிக்கு திருவனந்தல் பூஜை நடக்கும். இதனைதொடர்ந்து வழக்கம்போல் பூஜைகள் நடக்கும். அன்று மதியம் 1 மணிக்கு கோயில் நடை சாத்தப்பட்டு மீண்டும் மதியம் 3 மணிக்கு நடை திறந்து மதியம் 3:30 மணி முதல் இரவு 8 மணி வரை பக்தர்கள் சுவாமி தரிசனம் செய்யலாம். இரவு 8 மணிக்கு மேல் பர்வதவர்த்தினி அம்மன் வெள்ளி ரதத்தில் எழுந்தருளி கோயில் நான்கு ரதவீதியில் உலா வருவார் என கோயில் இணை ஆணையர் சுரேஷ் தெரிவித்தார்.