பெ.நா.பாளையம்: நரசிம்மநாயக்கன்பாளையத்தில் உள்ள சக்தி மாரியம்மன் கோவிலில், வைகாசி திருவிழாவையொட்டி, சிறப்பு பூஜை நடந்தது.

நரசிம்மநாயக்கன்பாளையத்தில் சக்தி மாரியம்மன் கோவில் உள்ளது. ஆண்டுதோறும், வைகாசி மாதம் சிறப்பு பூஜை நடக்கும். விழாவையொட்டி, தீச்சட்டி எடுத்தல், கரகம் எடுத்தல் உள்ளிட்ட பல்வேறு நிகழ்ச்சிகள், பிரமாண்டமாக நடக்கும். தற்போது, தொற்று காலம் என்பதால், கோவில்களில் பக்தர்கள் நுழைய தடை விதிக்கப்பட்டுள்ளது. மேலும், விழாக்கள் அனைத்தும் ரத்து செய்யப்பட்டுள்ளன. இந்நிலையில், வைகாசி விழாவையொட்டி, நரசிம்மநாயக்கன்பாளையம் சக்தி மாரியம்மன் கோவிலில், பக்தர்கள் யாரும் பங்கேற்காத நிலையில், அம்மனுக்கு சிறப்பு அலங்காரம் நடந்தது. இதை பக்தர்கள், சமூக வலைத்தளங்களில் பகிர்ந்து அம்மனை வழிபட்டனர்.