கடலாடி: ராமநாதபுரம் மாவட்டத்தில் உள்ள கிராம கோயில் பூஜாரிகளுக்கு இரு மாதங்களாக பென்சன் தொகை அவர்களுடைய வங்கிக் கணக்கில் வரவு வைக்கப்படவில்லை.கிராமக் கோயில் பூஜாரிகள் சங்க மண்டல ஒருங்கிணைப்பாளர் சண்முகசுந்தரம் கூறியதாவது;இந்து சமய அறநிலையத்துறையின் கீழ் பரமக்குடி உதவி ஆணையர் அலுவலகத்தின் மூலம் மாவட்டத்தில் உள்ள அரசு கட்டுப்பாட்டில் இல்லாத கிராம கோயில்களில் பணிபுரிந்து 60 வயதை கடந்த ஓய்வுபெற்ற பூஜாரிகளுக்கு இரு மாதங்களாக பென்ஷன் தொகை வழங்கப்படவில்லை.மார்ச், ஏப்., பென்ஷன் தொகையை விடுவிக்க முன்வர வேண்டும்.ஏற்கனவே நலவாரியத்தில் பதிவு பெற்ற கிராம கோயில் பூஜாரிகளுக்கு, நலவாரியத்தின் மூலம் கொரோனா நிவாரணத் தொகை வழங்கிடவும் அரசு நடவடிக்கை எடுக்க வேண்டும்., என்றார்.