சின்னாளபட்டி : இ-பதிவு அனுமதி மறுப்பால், தேதியை மாற்றி ஏராளமான திருமணங்கள் நேற்று அவசர அவசரமாக நடத்தப்பட்டன.

கொரோனா பரவலை தடுக்க, இன்று (மே 24) முதல் மே 31 வரை தளர்வில்லாத ஊரடங்கு அமலாகிறது. வரும் முகூர்த்த நாட்களில் திருமணம், புதுமனை புகுவிழா, கும்பாபிஷேக விழாக்களை நடத்த ஏராளமானோர் திட்டமிட்டனர். இந்நிலையில் இ-பதிவில் திருமணத்திற்கான பகுதி நீக்கப்பட்டது.இதனால் இன்றும் (மே 24), மே 28 ம் தேதி நிச்சயிக்கப்பட்ட திருமணம் உள்ளிட்ட விசேஷ நிகழ்ச்சிகள், நேற்று (மே 23) அவசர அவசரமாக நடத்தினர். கோயில் வாசலில் ஏராளமான திருமணம் நடந்தது. ஊரடங்கால், ஆடம்பரம் இன்றி எளிய முறையில் விழாக்களை நடத்த வேண்டிய நிர்ப்பந்தம் ஏற்பட்டது.