சென்னை:உலக நன்மைக்காக, அமா சர்வ மங்களா அமைப்பின் சார்பில் நாளை பாராயணம் நிகழ்வு நடக்க உள்ளது.

ஆன்மிக சேவையாற்றும் அமா சர்வ மங்களா என்ற அமைப்பின் சார்பில், உலக நன்மைக்காக நாளை வைகாசி விசாகத்தை முன்னிட்டு, மகா பாராயணம் நிகழ்ச்சி இணைய வழியில் நடக்க உள்ளது. அமா சர்வ மங்களா எனும் அமைப்பு, அதே பெயரில் உள்ள செயலியின் வாயிலாக, 10 வயது முதல் 80 வயது வரையுள்ளவர்களுக்கு, இலவசமாக ஆன்மிக வகுப்புகளை நடத்தி வருகிறது. இதில், இதுவரை 850க்கும் மேற்பட்டோர் சமஸ்கிருத ஸ்தோத்திரங்களையும், தமிழ் பக்தி இலக்கிய பாடல்களையும் கற்று பயனடைந்துள்ளனர். அவர்கள், நாளை காலை 7:30 மணி, மதியம் 1:30 மணி, மாலை 5:30 மணி ஆகிய நேரங்களில், இந்த பாராயணம் நிகழ்ச்சியை நடத்த உள்ளனர்.இதனால், நோய், குடும்ப பிரச்னை, திருமணம், குழந்தையின்மை உள்ளிட்ட பிரச்னைகளுக்கு தீர்வு கிடைக்கும். பாராயணத்தில் பங்கேற்போர் மட்டுமின்றி, அதன் பார்வையாளர்களுக்கும் அதன் பலன் கிடைக்கும். வைகாசி விசாகமான நாளை, இந்த பாராயணம் பாடப்படுவதால், உலக அமைதி, நோயின்மை, அன்பு, சமாதானம் உள்ளிட்டவை கிடைக்கும் என கூறப்படுகிறது. மேலும் விபரங்களுக்கு 75500 55046 என்ற மொபைல் போன் எண்ணில் தொடர்பு கொள்ளலாம்.