திருநீர்மலை : திருநீர்மலை ரங்கநாத பெருமாள் கோவில் நிர்வாகம் சார்பில் தினசரி, 500 உணவு பொட்டலங்கள் வினியோகிக்கப்படுகின்றன. ஹிந்து சமய அறநிலைய துறையின் கீழ் இயங்கும் கோவில்கள் சார்பில், உணவு பொட்டலங்கள் வினியோகம் செய்ய வேண்டும் என அறிவுறுத்தப்பட்டது. அதன்படி, பல்லாவரத்தை அடுத்த திருநீர்மலை ரங்கநாத பெருமாள் கோவில் நிர்வாகம் சார்பில் தினசரி, 500 உணவு பொட்டலங்கள், முக கவசம், கபசுர குடிநீர் வினியோகிக்கப்பட்டு வருகிறது. திருநீர்மலை ஆரம்ப சுகாதார நிலையத்திற்கு வரும் நோயாளிகள், துாய் மை பணியாளர்கள் ஆகியோருக்கு, இந்த உணவு பொட்டலங்கள் வினியோகிக்கப்படுகின்றன. கடந்த வாரம் முதல், உணவு பொட்டலம் வினியோகம் செய்து வருவதாகவும், தொடர்ந்து இது கடைப்பிடிக்கப்படும் என்றும், கோவில் செயல் அலுவலர் தெரிவித்தார்.