விழுப்புரம் : கண்டமங்கலம் அருகே அம்மன் சிலையை சேதப்படுத்திய மர்ம நபர்களை போலீசார் தேடி வருகின்றனர்.

கண்டமங்கலம் அடுத்த பாக்கம் ஏரியில் ஆலமரத்தின் கீழ் முத்தாலம்மன் கோவிலில் 7 அடி உயர அம்மன் சிலை உள்ளது. நேற்று முன்தினம் இந்த சிலையின் வலது, இடது கை மற்றும் கிரீடம் உடைக்கப்பட்டிருந்தது.இதேபோன்று, இங்குள்ள 3 அடி உயரமுள்ள அம்மன் சிலையிலும் வலது, இடது கையை மர்ம நபர்கள் உடைத்து சேதப்படுத்தியுள்ளனர். தகவலறிந்த கண்டமங்கலம் சப் இன்ஸ்பெக்டர் பிரபு, சம்பவ இடத்திற்கு சென்று விசாரணை நடத்தினார். இது குறித்து பாக்கம் வி.ஏ.ஓ., பாலலட்சுமி கொடுத்த புகாரின்பேரில், கண்டமங்கலம் போலீசார் வழக்குப்பதிந்து, சிலையை சேதப்படுத்திய மர்ம நபர்களை தேடி வருகின்றனர்.