பெலகாவி: பெலகாவி காகவாடா அருகே உள்ள ஐனாபுரா கிராமத்தில் சந்துாபாய் கோவில் உள்ளது. இந்த கோவிலின் சாமி சிலையில், பூசாரி மூலம் செயற்கை கண்ணை பொருத்தி உள்ளனர். பின், சந்துபாய் கண் திறந்துள்ளார் என்ற வதந்தியை பரப்பி, பக்தர்களை அதிக அளவில் வரவழைத்தனர். இதனால் கோவிலில் தள்ளுமுள்ளு ஏற்பட்டது. தகவலறிந்த தாசில்தார் பிரமிளா தேஷ் பாண்டே, கோவிலுக்கு சென்று ஆய்வு செய்தார். சாமி சிலையில், செயற்கை கண் பொருத்தப்பட்டுள்ளது தெரிய வந்தது. இதையடுத்து, பூசாரி மூலம், சாமி சிலையில் உள்ள செயற்கை கண்ணை எடுக்க வைத்தார். இது போன்ற வதந்தியை நம்ப கூடாது என பக்தர்களுக்கு வேண்டுகோள் விடுத்தார்.