பெ.நா.பாளையம்: ஆடிப்பெருக்கு விழாவையொட்டி துடியலூர், பெரியநாயக்கன்பாளையம் உள்ளிட்ட பகுதிகளில் உள்ள கோவில்களில் சிறப்பு பூஜைகள் நடந்தன. நிகழ்ச்சியில், திரளான பக்தர்கள் கலந்து கொண்டனர்.

நரசிம்மநாயக்கன்பாளையத்தில் உள்ள சக்தி மாரியம்மன் கோயிலில் பூஜைகள் நடந்தன. பக்தர்கள் கோவிலுக்குள் அனுமதிக்கப்படவில்லை. முகக்கவசத்துடன், சமூக இடைவெளியில் கோயில் முன்பு நின்று வணங்க, பக்தர்கள் அனுமதிக்கப்பட்டனர். இதேபோல, நரசிம்மநாயக்கன்பாளையம், அப்புலுபாளையம் மாகாளியம்மன் கோயிலில் அம்மன் சிறப்பு அலங்காரத்தில், பக்தர்களுக்கு அருள்பாலித்தார். நரசிம்மநாயக்கன்பாளையம் மெயின் ரோட்டில் காமாட்சி அம்மன் கோவிலில் சிறப்பு பூஜைகள் நடந்தன. பெரியநாயக்கன்பாளையம் சாமிசெட்டிபாளையம் பிரிவில் உள்ள பட்டத்தரசி அம்மன் கோயிலில், சிறப்பு அலங்காரத்தில் அம்மன் அருள்பாலித்தார். இதேபோல, தண்டுமாரியம்மன் மற்றும் கோவை வடக்கு பகுதியில் உள்ள பல்வேறு அம்மன் கோவில்களில், அம்மன் சிறப்பு அலங்காரத்தில் அருள்பாலித்தார்.