தஞ்சாவூர் : ஆழ்வார்கள் மற்றும் நாயன்மார்களின் பக்தி பூர்வமான வரலாறுகளை வாசித்து உருகாத பக்தர்கள் இல்லை. அப்படிப்பட்ட மகா புருஷர்களில் ஒருவர் ஸ்ரீராமகிருஷ்ணரின் சீடர் சுவாமி ராமகிருஷ்ணானந்தர். இவர் சிறந்த தியான சித்தர், சாஸ்திரங்களில் கரை கண்டு அதன்படி வாழ்ந்தவர். தெய்வத்தை நேரில் கண்டு, ஆராதித்த அற்புத பூஜாரி, மக்கள் சேனையில் ஈடுபட்ட கர்மயோகி. அப்படிப்பட்ட சுவாமி ராமகிருஷ்ணானந்தரின் பிறந்த தினம் நாளை (6ம் தேதி) தஞ்சாவூர் ராமகிருஷ்ண மடத்தில் நடைபெறுகிறது. பக்தர்கள் அனைவரும் கலந்து கொண்டு அருள்பெறலாம் என மடத்தின் பொறுப்பாளர் சுவாமி விமூர்த்தானந்தர் தெரிவித்துள்ளார்.