பெ.நா.பாளையம்: நரசிம்மநாயக்கன்பாளையத்தில் ஸ்ரீ வெங்கடேச பெருமாள் கருடவாகனத்தில், எழுந்தருளி பக்தர்களுக்கு, அருள் பாலித்தார். நரசிம்மநாயக்கன்பாளையத்தில் இருந்து பூச்சியூர் செல்லும் வழியில், ஸ்ரீ வெங்கடேச பெருமாள் கோவில் உள்ளது. இங்கு வெங்கடேச பெருமாள் திருவீதி உலா செல்ல, அத்திமரத்தில் புதிய கருட வாகனம் செய்யப்பட்டுள்ளது. நேற்று பவுர்ணமி நாளில், வெங்கடேச பெருமாள் புதிய கருடவாகனத்தில் எழுந்தருளி, அப்பகுதியில் முக்கிய வீதிகள் வழியாக, திருவீதி உலா வந்தார். நிகழ்ச்சியில், திரளான பக்தர்கள் கலந்து கொண்டனர். நிகழ்ச்சியை ஒட்டி ஸ்ரீ வெங்கடேச பெருமாளுக்கு, அபிஷேக, ஆராதனைகள் நடந்தன.