சிங்கம்புணரி: சிங்கம்புணரி அருகே மதுராபுரி கிராமத்திலுள்ள உச்சிக்கருப்பர் கோயில் கும்பாபிஷேகம் நடந்தது. ஆக. 25 ம் தேதி மாலை 4:00 மணிக்கு முதல் கால யாகசாலை பூஜைகள் தொடங்கியது. திருமுறை பாராயணம், தேவதா அனுக்ஜை, மகா கணபதி ஹோமம் நவக்கிரக ஹோமம் பூர்ணாகுதி நடத்தப்பட்டது. இன்று காலை 6:00 மணிக்கு இரண்டாம் கால யாக பூஜை நடத்தப்பட்டது. கோ பூஜை நடத்தப்பட்டு காலை 10:30 மணிக்கு கோயில் விமானத்திற்கும், மூலவருக்கும் கும்பாபிஷேகம் நடத்தப்பட்டது. உமாபதி சிவாச்சாரியார் வேத ஆகம முறைப்படி கும்பாபிஷேகத்தை நடத்தி வைத்தார். கும்பாபிஷேக ஏற்பாடுகளை மதுராபுரி மங்கான் கூட்டம் உறவின்முறையாளர்கள் செய்திருந்தனர்.