வேலுார்: கிருபானந்த வாரியார், 116 வது பிறந்த நாளையொட்டி காங்கேயநல்லுாரில் உள்ள அவரது படத்திற்கு, வேலுார் கலெக்டர் குமாரவேல் பாண்டியன் மாலை அணிவித்து மரியாதை செய்தார். வேலுார் மாவட்டம், காட்பாடி காங்கேயநல்லுாரை சேர்ந்தவர் திருமுருக கிருபானந்த வாரியார். சமய சொற்பொழிவாளரான இவரது பிறந்த நாளை, அரசு விழாவாக கொண்டாட முதல்வர் ஸ்டாலின் அறிவித்தார்.  இதற்கான அரசாணை கடந்த பிப்., 26ல் வெளியிடப்பட்டது. நேற்று வாரியாரின், 116 வது பிறந்த நாளையொட்டி காங்கேயநல்லுாரில் உள்ள வாரியார் மண்டபத்தில், அரசு விழாவாக கொண்டாடப்பட்டது. அவரது சிலைக்கு மாவட்ட கலெக்டர் குமாரவேல் பாண்டியன், வேலுார் எம்.எல்.ஏ., கார்த்திகேயன் உள்பட பலர்   வாரியார் படத்திற்கு மாலை அணிவித்து, மலர் துாவி மரியாதை செலுத்தினர்.