நாமக்கல்: நாமக்கல் மாருதி நகர் ராஜ விநாயகர் கோவிலில் மண்டல பூஜை நிறைவு விழாவில், 108 சங்காபிஷேகம் நடந்தது. நாமக்கல் மாருதி நகரில் உள்ள ராஜ கணபதி விநாயகர் கோவில் கும்பாபிஷேக விழா கடந்த, 4ல் நடந்தது. தொடர்ந்து ராஜகணபதி மற்றும் கல்யாண சுப்ரமணியருக்கு சிறப்பு மண்டல பூஜைகள் தினமும் செய்யப்பட்டது. இந்நிலையில் மண்டல பூஜை நிறைவு விழா நேற்று நடந்தது. கல்யாண சுப்பிரமணியர் கோவிலில், 108 சங்காபிஷேகம் செய்யப்பட்டு கலசங்களுக்கு சிறப்பு பூஜை நடந்தது. ராஜகணபதிக்கு பால், சந்தனம், தேன், மஞ்சள், இளநீர் உள்ளிட்ட வாசனை திரவியங்களால் அபிஷேகம் செய்யப்பட்டது. சுவாமிக்கு வெள்ளிகவசம் சாற்றப்பட்டு மலர் அலங்காரம் செய்யப்பட்டது. அன்னதானம் வழங்கப்பட்டது.