திருத்தணி: திருத்தணி முருகன் கோவிலில் இன்று முதல் நாள் முழுதும் பக்தர்களுக்கு அன்னதானம் வழங்கும் திட்டம் துவங்கப்படுகிறது.திருத்தணி முருகன் கோவிலில், தினமும் மதியம், 300 பக்தர்களுக்கு மட்டும் அன்னதானம் வழங்கப்பட்டது.இந்நிலையில், நடந்து முடிந்த சட்டசபை பட்ஜெட் கூட்டத்தொடரில், ஹிந்து அறநிலைய துறை அமைச்சர் சேகர்பாபு, பக்தர்கள் நலன் கருதி வரும், 17ம் தேதி முதல் திருத்தணி முருகன் கோவிலில் நாள் முழுதும் அன்னதானம் வழங்கும் திட்டம் துவங்கப்படும் என அறிவித்தார்.அமைச்சர் அறிவித்தப்படி ஒரு நாள் முன்னதாகவே, முருகன் கோவிலில் இன்று காலை, 8:00 மணி முதல் இரவு, 8:00 மணி வரை அன்னதானம் வழங்கும் திட்டம் துவங்கப்படுகிறது.