திருப்புத்தூர்: திருக்கோஷ்டியூர், கொங்கரத்தி பெருமாள் கோயில்களில் சாமி தரிசனம் செய்ய முடியாமல் பக்தர்கள் தவித்தனர்.

புரட்டாசி சனிக்கிழமையை முன்னிட்டு பக்தர்கள் திருக்கோஷ்டியூர் சவுமியநாராயணப் பெருமாள் கோயில் மற்றும் கொங்கரத்தி வண்புகழ் நாராயணப் பெருமாள் கோயிலில் சாமி தரிசனம் செய்வது வழக்கம். அதிகாலை முதல் பக்தர்கள் கோயில்களில் கூடுவதை காண முடியும். நேற்றும் வழக்கம் போல பலர் குடும்பத்தினருடன் இக்கோயில்களில் சாமி தரிசனத்திற்காக வந்தனர். ஆனால் பாதுகாப்பிற்கு நின்ற போலீசார் பக்தர்களிடம் கோயிலில் சாமி தரிசனம் இல்லை என்பதை அறிவுறுத்தினர். இதனால் பக்தர்கள் கோயில் வாசலில் நின்று பெருமாளை தரிசனம் செய்து திரும்பினர். கோயில்களில் வழக்கமான பூஜைகளை நடந்தன. உற்ஸவர் அலங்காரம், தீபாராதனை நடைபெறவில்லை. திருப்புத்துார் நின்ற நாராயணப்பெருமாள் கோயிலில் பக்தர்கள் அனுமதியின்றி மூலவருக்கு வெள்ளிக்கவச அலங்காரம், உற்ஸவருக்கு அபிேஷக, ஆராதனைகள் நடந்தன.