பெண்ணாடம் : பெண்ணாடம் அடுத்த புத்தேரி ஸ்ரீ தேவி, பூதேவி சமேத வரதராஜ பெருமாள் கோவிலில், புரட்டாசி, மூன்றாம் சனிக்கிழமையையொட்டி, திருக்கல்யாண வைபவம் நடந்தது

.இதையொட்டி, நேற்று முன்தினம் காலை 10:00 மணியளவில் சிறப்பு பூஜை; 10:30 மணியளவில் பிரகாரத்தில் உள்ள சுவாமிகளுக்கு சிறப்பு அபிேஷகம், தீபாராதனை நடந்தது. மாலை 6:00 மணியளவில் கோவில் பிரகாரம் அருகே உள்ள திறந்தவெளி மைதானத்தில், உற்சவர் ஸ்ரீ தேவி, பூதேவி சமேத வரதராஜ பெருமாள் சுவாமிக்கு சிறப்பு பூஜை; இரவு 7:55 மணியளவில் திருக்கல்யாண வைபவம், இரவு 8:00 மணியளவில் மகா தீபாராதனை நடந்தது.

மூலவர் சுவாமிகள் பழ அலங்காரத்தில் பக்தர்களுக்கு அருள்பாலித்தார். இரவு 9:30 மணிக்கு உற்சவர் வீதியுலா நிகழ்ச்சி நடந்தது. வரும் 9ம் தேதி சந்தனகாப்பு அலங்காரம், 16ம் தேதி பணம், நகை அலங்காரம் மற்றும் சிறப்பு வழிபாடுகள் நடக்கிறது. பூஜை ஏற்பாடுகளை, பஞ்சவடீ, பஞ்சமுக ஆஞ்சநேயர் கோவில் தலைவர் கோதண்டராமன், புத்தேரி வரதராஜ பெருமாள் கோவில் தலைவர் தமிழ்மணி ராதாகிருஷ்ணன், ஆலய ஆலோசகர் ராதாகிருஷ்ணன் செய்து வருகின்றனர்.