அம்பாசமுத்திரம்: வட இந்தியாவுக்கு புனித யாத்திரை மேற்கொண்டுள்ள வேளாக்குறிச்சி, செங்கோல் ஆதீனங்கள் மகாராஷ்டிராவில் நதியில் புனித நீராடி, லட்சுமி நரசிம்மர்
கோயிலில் சுவாமி தரிசனம் செய்தனர்.  வேளாக்குறிச்சி மற்றும் செங்கோல் ஆதீனங்கள்வட இந்தியாவுக்கு புனித யாத்திரை மேற்கொண்டுள்ளனர். மகாராஷ்டிரா மாநிலம் கீரா நரசிம்பூர் கிராமத்தில் நீரா நதியும், பீமநதியும் சங்கமிக்கும் புத்தகங்கையில் நேற்று, வேளாக்குறிச்சி ஆதீனம்சத்திய ஞான மகாதேவ தேசிகபரமாச்சாரிய சுவாமிகள், செங்கோல் ஆதீனம் சிவப்பிரகாசதேசிக சத்தியஞான பரமாச்சாரிய சுவாமிகள், நெல்லை வடக்கு மடம் இளைய பட்டம் உமா மகேஸ்வரசுவாமிகள் புனித நீராடினர். பின்னர், பிரகலாதன் அவதரித்த ஸ்தலத்திலுள்ள லட்சுமி நரசிம்மர் கோயிலில் சுவாமி தரிசனம் செய்தனர். அங்குள்ள சிவன் சன்னதியில் வழிபட்டனர். தொடர்ந்து, பரேலியிலுள்ள ஜோதி லிங்கஸ்தலங்களில் ஒன்றான வைத்திய நாத சுவாமி கோயிலுக்கு விஜயம்செய்து சுவாமி தரிசனம் செய்தனர்.