காஞ்சிபுரம்: ஹெலிகாப்டர் விபத்தில் உயிரிழந்த முப்படைகளின் தலைமை தளபதி ஜெனரல் பிபின் ராவத் மறைவுக்கு, காஞ்சிபுரம் சங்கராச்சாரியார் விஜயேந்திர சரஸ்வதி சுவாமிகள் இரங்கல் தெரிவித்துஉள்ளார். காஞ்சிபுரம் சங்கரமடம் மேலாளர் சுந்தரேச அய்யர் வெளியிட்டுள்ள இரங்கல் குறிப்பு: நாட்டின் முப்படைகளின் தலைமை தளபதி ஜெனரல் பிபின் ராவத், அவரது மனைவி மதுலிகாமற்றும் முப்படைகளை சேர்ந்த அதிகாரிகள் அகால மரணம் அடைந்திருப்பது துரதிருஷ்டவசமாகும். இவர்களது மறைவு, நம் நாட்டிற்கு ஈடு செய்ய முடியாத பேரிழப்பு.ஜெனரல் ராவத், முக்கியபொறுப்புகளில், பல உயரிய நிலைகளில் மிகத் திறம்பட பணியாற்றியவர். அவருடைய தியாகமும், நாட்டிற்காக அவர் செய்த சேவைகளும், எதிர்கால தலைமுறையினரால் என்றென்றும் நினைவில் கொள்ளத்தக்கவை. ராவத்தின் ஆன்மா சாந்தி அடையும் வண்ணம், காஞ்சிபுரம் காமாட்சியம்மன் கோவிலில், நேற்று மாலை மோட்ச தீபம் ஏற்றப்பட்டது.விபத்தில் மறைந்த அனைவரது ஆன்மாவும், முக்தி அடைவதற்காக, எல்லாம் வல்ல இறைவனை ஸ்ரீகாஞ்சி காமகோடி பீடாதிபதி ஜகத்குரு சங்கர விஜயேந்திர சரஸ்வதி சுவாமிகள் பிரார்த்தனை செய்தார்.இவ்வாறு அதில் கூறப்பட்டுள்ளது.