திருவண்ணாமலை: திருவண்ணாமலையில், மார்கழி மாத பவுர்ணமி கிரிவலம் செல்ல தடை விதித்து, கலெக்டர் முருகேஷ் உத்தரவிட்டுள்ளார்.  திருவண்ணாமலையில், பவுர்ணமி தோறும் லட்சக்கணக்கான பக்தர்கள் கிரிவலம் சென்று, அருணாசலேஸ்வரர், உண்ணாமுலையம்மனை வழிபடுவர். இந்நிலையில், கொரோனா தொற்று காரணமாக கடந்த ஆண்டு மார்ச் முதல், பவுர்ணமி கிரிவலம் செல்ல தடை விதிக்கப்பட்டு வருகிறது.  

இது குறித்து கலெக்டர் முருகேஷ் வெளியிட்டுள்ள அறிக்கை: கொரோனா பரவல் கட்டுப்படுத்த, தளர்வுகளுடன் கூடிய ஊரடங்கு நடைமுறையில் உள்ளதால்,  மார்கழி மாத பவுர்ணமி திதி நேரமான, நாளை, (18) காலை, 8:15 மணி முதல், 10 காலை, 10:22 மணி வரை கிரிவலம் செல்ல தடை விதிக்கப்படுகிறது. இதனால், பக்தர்கள் கிரிவலம் வர வேண்டாம், இதற்கு ஒத்துழைப்பு அளிக்க வேண்டும்.  இவ்வாறு அதில் தெரிவிக்கப்பட்டுள்ளது.  22வது மாதமாக பவுர்ணமி கிரிவலம் செல்ல தடை விதிக்கப்பட்டு வருவது குறிப்பிடத்தக்கது.