பரமக்குடி: பரமக்குடி ஐயப்பன் கோயில்களில் மண்டலாபிஷேக விழா நடந்தது.

பரமக்குடி தரைப்பாலம் அருகில் உள்ள தர்மசாஸ்தா ஐயப்பன் கோயிலில், நேற்று முன்தினம் காலை 4:30 மணி முதல் கணபதி ஹோமம், 108 சங்காபிஷேகம் நடந்தது. தொடர்ந்து மூலவருக்கு அபிஷேக ஆராதனைகள் நடந்து, கருப்பண சுவாமிக்கு அபிஷேகம் நடந்தது. பின்னர் சுவாமிக்கு வெள்ளி கவசம் சாத்தப்பட்டு, தீபாராதனைகள் நடந்தது.

மாலை 6:00 மணிக்கு தர்மசாஸ்தா சர்வ அலங்காரத்துடன் திருவீதி வலம் வந்தார்.. ஐயனின் திருவீதிவலத்தின் போது, பக்தர்கள் பஜனை பாடல்கள் பாடியபடி சென்றனர். இரவு சிறப்பு தீபாராதனைகள் ஹரிவராசனம் பாடப்பட்டது. பின்னர் அன்னதானம் வழங்கப் பட்டன. ஏற்பாடுகளை தர்மசாஸ்தா சேவா சங்க நிர்வாகிகள் செய்திருந்தனர்.

*பரமக்குடி ஐந்து முனை ரோடு அருகில் உள்ள தர்ம சாஸ்தா கோயிலில் நேற்று காலை பக்தர்கள் பெருமாள் கோயில் படித் துறையிலிருந்து பால் குடங்களை சுமந்து சென்றனர். தொடர்ந்து முக்கிய வீதிகள் வழியாக கோயிலை அடைந்து சிறப்பு அபிஷேக ஆராதனைகள் நடந்தது. பின்னர் இரவு ஐயப்பன் வீதி வலம் வந்தார்.

*எமனேஸ்வரம் வண்டியூரில் ஐயப்பன் கோயிலில் 108 கலச அபிஷேகம், அபிஷேகம் நடந்தது. மாலை சிம்மாசனத்தில் ஐயப்பன் வீதி வலம் வந்தார்.