காஞ்சிபுரம்: காஞ்சி மஹா சுவாமிகள் என்றழைக்கப்படும், ஸ்ரீ சந்திரசேகரேந்திர சரஸ்வதி சுவாமிகளின், 28வது ஆராதனை விழா, சங்கர மடத்தில் நேற்று நடைபெற்றது.காஞ்சி சங்கர மடத்தின், 68வது பீடாதிபதி ஸ்ரீ சந்திரசேகரேந்திர சரஸ்வதி சுவாமிகளின் ஆராதனை விழா, காஞ்சிபுரத்தில் உள்ள சங்கர மடத்தில் நேற்று நடந்தது.இதில், வேதபாராயணம், நாம சங்கீர்த்தனம், சங்கீதாஞ்சலி நடைபெற்றது.நேற்று காலை 9:00 மணிக்கு பஞ்சரத்ன கீர்த்தனையும், மதியம் 12:30 மணிக்கு பூர்ணாஹதியும், அதிர்ஷ்டானத்தில் அபிஷேகமும் நடைபெற்றது.இந்நிகழ்ச்சியில், விஜயேந்திர சரஸ்வதி சுவாமிகள், பிருந்தாவனத்தில் அமைக்கப்பட்டுள்ள மஹா சுவாமிகள் திருவுருவ சிலைக்கு அர்ச்சனை செய்தார்.