பெ.நா.பாளையம்: பெரியநாயக்கன்பாளையம் அருகே உள்ள நாயக்கன்பாளையத்தில் பெரியநாயக்கன்பாளையம் தவில், நாதஸ்வரம் இசைக்கலைஞர்கள் சார்பில், 13ம் ஆண்டு தியாகராஜர் ஆராதனை விழா நடந்தது. நாயக்கன் பாளையத்தில் உள்ள சீரடி சாய்பாபா சன்ஸ்தான் அரங்கில் நடந்த இந்நிகழ்ச்சியில், 20க்கும் மேற்பட்ட தவில் மற்றும் நாதஸ்வர கலைஞர்கள் பங்கேற்று, தங்கள் இசைத் திறமையை வெளிப்படுத்தினர். விழாவை கோவில் அறங்காவலர்கள் தர்மலிங்கம், ராஜ் ஆகியோர் துவக்கி வைத்தனர். நிகழ்ச்சியில் திரளான இசை ஆர்வலர்கள், பக்தர்கள் கலந்து கொண்டனர்.