அன்னூர்;பட்டக்காரன்புதூர் கருப்பராய சாமி கோவில் கும்பாபிஷேகம் நேற்று நடந்தது.பட்டக்காரன்புதூரில், கருப்பசாமி, தன்னாசியப்பர் கோவில்கள் உள்ளன. இக்கோவில் வளாகத்தில், விநாயகர் மற்றும் கன்னிமார் அம்மன் சன்னதிகளும் உள்ளன. கோவிலில் பல்வேறு திருப்பணிகள் செய்யப்பட்டன. கும்பாபிஷேக விழா கடந்த 2ம் தேதி காலை கணபதி ஹோமத்துடன் துவங்கியது. நேற்றுமுன்தினம் காலையில் இரண்டாம் கால யாக பூஜையும், மாலையில் மூன்றாம் கால யாக பூஜையும், இரவு சுவாமி சிலைகளை பிரதிஷ்டை செய்தலும் நடந்தது. நேற்று காலை 8:00 மணிக்கு, விநாயகர், கன்னிமார், கருப்பராயசாமி, தன்னாசியப்பர் மற்றும் பரிவார தெய்வங்களுக்கு புனித நீர் ஊற்றி கும்பாபிஷேகம் செய்யப்பட்டது, இதையடுத்து அபிஷேகம், அலங்காரம், மற்றும் தீபாராதனை நடந்தது. கூனம்பட்டி ஆதீனம் ராஜ சரவண மாணிக்கவாசக சுவாமிகள் அருளுரை வழங்கினார். திரளான பக்தர்கள் பங்கேற்றனர். அன்னதானம் வழங்கப்பட்டது.