கொட்டாம்பட்டி: கொட்டாம்பட்டி ஸ்ரீ வடக்குபுற காளியம்மன் கோயில் பங்குனி மாத திருவிழாவை முன்னிட்டு அய்யணார் கோயிலில் இருந்து பக்தர்கள் பால்குடம் ஏந்தியும், அலகு குத்தியும், தீச்சட்டி ஏந்தியும், வாழை மட்டையால் மாறுவேடம் போட்டு 3 கி.மீ., தொலைவில் உள்ள காளியம்மன் கோயிலுக்கு வந்து நேர்த்திக்கடன் செலுத்தினர். அங்கு பக்தர்கள் கொண்டு வந்த பாலை கொண்டு அம்மனுக்கு அபிஷேகம் மற்றும் தீபாரதணை நடைபெற்றது. அதனைத் தொடர்ந்து அன்னதானம் வழங்கப்பட்டது. இதில் 27 ஊராட்சிகளை சேர்ந்த பக்தர்கள் கலந்து கொண்டனர். மேலும் பக்தர்கள் வீடுகளில் இருந்து பூ தட்டுகளை ஊர்வலமாக கோயிலுக்கு கொண்டு வந்து அம்மனுக்கு அபிேஷகம் செய்தனர்.