திருச்செந்தூர் : திருச்செந்தூர் அய்யா வைகுண்டர் அவதார பதியில் ஆடி திருவிழா நாளை கொடியேற்றத்துடன் துவங்குகிறது. திருச்செந்தூர் கடற்கரையோரம் அமøந்துள்ள அய்யா வைகுண்டரின் அவதார பதியில் நாளை ஆடி திருவிழா கொடியேற்றம் நடக்கிறது. அன்று அதிகாலை 5 மணி முதல் 6 மணிக்குள் கொடியேற்றம் நடக்கிறது.7 மணிக்கு புஷ்ப வாகனத்தில் அய்யாவின் பவனி நடக்கிறது. மதியம் 2 மணிக்கு அன்னதர்மம் வழங்கப்படுகிறது. 3 மணிக்கு திரு ஏடு வாசிப்பு, மாலை 5 மணிக்கு உகப்படிப்பு, பணிவிடை நடக்கிறது.தொடர்ந்து மாலை 6 மணிக்க புஷ்ப வாகனத்தில் அய்யா பவனிவருகிறார். பின்னர் இரவு 8 மணிக்கு தர்மன் இனிமம் வழங்கப்படுகிறது. விழா நாட்களில் தினமும் காலை 6 மணிக்கு உகப்படிப்பு, பணிவிடை, 8 மணிக்கு பால் அன்னதர்மம், பகல் 12 மணிக்கு உச்சிப்படிப்பு, பணிவிடை மதியம் 2 மணிக்கு அன்னதர்மம், 3 மணிக்கு திருஏடு வாசிப்பு, மாலை5 மணிக்கு உகப்படிப்பு,பணிவிடை, இரவு 8 மணிக்கு தர்மம், இனிமம் வழங்கப்படுகிறது. திருவிழா நாட்களில் தினமும் மாலை 6மணிக்கு அய்யா வைகுண்டர் புஷ்பவாகனம், கருட வாகனம், குதிரை வாகனம் போன்ற வாகனங்களில் பவனிவந்து பக்தர்களுக்கு காட்சிகொடுக்கிறார். 11ம் திருவிழாவான30ம் தேதி காலை 6மணிக்கு உகப்படிப்பு, பணிவிடை நடக்கிறது. 8மணிக்கு பால் அன்னதர்மம் வழங்கப்படுகிறது. 10 மணிக்கு புஷ்ப வாகனத்தில் அய்யாவின் பவனிநடக்கிறது. பகல் 12 மணிக்கு உச்சிப்படிப்பு, பணிவிடை, இரவு 8 மணிக்கு இன்னிசை நிகழ்ச்சி நடக்கிறது. இரவு 1 மணிக்கு புஷ்பவாகனத்தில் அய்யாவின் பவனிவருதல் நிகழ்ச்சியும்,2 மணிக்கு தர்மம் இனிமம் வழங்கபடும். ஏற்பாடுகளை வள்ளியூர் அய்யாவழி அகில திருக்குடும்ப மக்கள் சபை தலைவர் சுந்தரபாண்டி, செயலாளர் தர்மர், பொருளாளர் ராமையா, உதவிதலைவர் தங்கத்துரை, உதவிசெயலாளர் ராமசந்திரன் மற்றும் நிர்வாக குழுஉறுப்பினர்கள் செய்துவருகின்றனர்.