சிக்கல்: சிக்கல் அருகே இதம்பாடல் கிராமத்தில் வாகையடி முனியப்பசுவாமி, ஆதி காமாட்சி அம்மன் கோயிலில் கும்பாபிஷேக விழா நடந்தது. கடந்த ஏப்., 20 அன்று அனுக்ஞை, அஷ்டபந்தனம் பூர்ணாகுதியுடன் முதல் கால யாகசாலை பூஜை துவங்கியது. நேற்று காலை 10 மணி அளவில் வாகையடி முனியப்பசுவாமி, ஆதிகாமாட்சி அம்மன் உள்ளிட்ட பரிவார தெய்வங்களின் கோயில் விமான கலசத்தில் சிவாச்சாரியார்கள் புனித நீர் ஊற்றி கும்பாபிஷேகம் செய்தனர். மூலவருக்கு சிறப்பு அபிஷேக ஆராதனை நிறைவேற்றப்பட்டது. அன்னதானம் நடந்தது. ஏற்பாடுகளை விழா கமிட்டியினர் செய்திருந்தனர்.