உடுமலை: உடுமலை, ஐஸ்வர்யா நகரில் அமைந்துள்ள, ஸ்ரீ கற்பக விநாயகர், ஸ்ரீ வள்ளி தேவசேனா சமேத ஸ்ரீ கல்யாண சுப்ரமணிய சுவாமி கோவில் கும்பாபிஷேகம் நடக்கிறது.

இதற்காக, முகூர்த்தக்கால் நடும் விழா மற்றும் யாகசாலை துவக்க விழா நேற்று நடந்தது. மங்கள வாத்தியங்கள் மற்றும் சிவாச்சார்யார்களின் வேத மந்திரங்கள் முழங்க, கணபதி ஹோமத்துடன் சிறப்பு வழிபாடு நடந்தது. தொடர்ந்து, சுவாமிகளுக்கு சிறப்பு அபிேஷகம், அலங்கார பூஜைகள் நடந்தன. கோவில் வளாகத்தில், கும்பாபிஷேகப் பணிகள் சிறப்பாக நடைபெற வேண்டி, மங்கள முகூர்த்தக்கால் நடப்பட்டு, தீபாராதனை நடந்தது. இந்நிகழ்ச்சியில், ஸ்ரீ கற்பக விநாயகர் அறக்கட்டளைத்தலைவர் லோகநாதன், செயலாளர் நீலகண்டன், பொருளாளர் வீரராகவன், உடுமலை மாரியம்மன் கோவில் அறங்காவலர் ஸ்ரீதர், ஆர்.கே.ஆர்., கல்விக்குழும தலைவர் ராமசாமி மற்றும் நிர்வாக அறங்காவலர்கள், பக்தர்கள் பங்கேற்றனர்.