பரமக்குடி: பரமக்குடி நகராட்சி எமனேஸ்வரம் பெருந்தேவி சமேத வரதராஜ பெருமாள் கோயில், வைகாசி வசந்த உற்சவ விழாவில் இன்று அழகர் ஆற்றில் இறங்குகிறார்.

எமனேஸ்வரம் சவுராஷ்ட்ர சபைக்கு பாத்தியமான இக்கோயிலில், கடந்த 10 நாட்களாக பிரமோத்சவம் நடந்து நேற்று கொடியிறக்கத்துடன் விழா நிறைவடைந்தது. தொடர்ந்து இன்று காலை 10:00 மணிக்கு உற்சவர் மற்றும் மூலவருக்கு கும்பா திருமஞ்சனம், சிறப்பு தீபாராதனைகள் நடக்கிறது. பின்னர் இரவு 3:00 மணிக்கு மேல் பெருமாள் கள்ளழகர் திருக்கோலத்துடன் வைகை ஆற்றில் இறங்க உள்ளார். தொடர்ந்து நாளை காலை 10:00 மணிக்கு மேல சத்திரத்திலிருந்து குதிரை வாகனத்தில் பெருமாள் புறப்பாடாகி மதியம் 3:00 மணிக்கு ஆயிரம் பொன் சப்பரத்தில் அருள்பாலிக்கிறார். இதனை தொடர்ந்து பெருமாள் தினமும் சேஷ, கருட, ஹனுமன் வாகனங்களில் அருள்பாலிப்பார். ஏற்பாடுகளை எமனேஸ்வரம் சவுராஷ்டிர சபை நிர்வாகிகள் செய்து வருகின்றனர்.