திருவெண்ணெய்நல்லுார் : திருவெண்ணெய்நல்லுார் மெய்கண்டார் கோவிலில் பந்தல் கால் நடும் விழா நடந்தது. திருவெண்ணெய்நல்லுார் திருக்கயிலாய பரம்பரைத் திருவாவடுதுறை ஆதீனத்திற்கு சொந்தமான மெய்கண்டார் கோவிலில் வரும் ஜூன் 17ம் தேதி மகா கும்பாபிஷேகம் நடைபெற உள்ளது. அதனையொட்டி நேற்று முன்தினம் பந்தல் கால் முகூர்த்தம் நடந்தது. காலை 9:30 மணியளவில் சிறப்பு பூஜை மற்றும் ஆராதனை நடந்தது. தொடர்ந்து 10 மணிக்கு பந்தல் கால் நடப்பட்டது. பேரூராட்சி துணைத்தலைவர் ஜோதி மற்றும் ஊர் முக்கியஸ்தர்கள் பங்கேற்றனர்.