ஸ்ரீவில்லிபுத்தூர்: ஸ்ரீவில்லிபுத்தூர் மடவார் வளாகம் வைத்தியநாத சுவாமி கோயிலில் வருஷாபிஷேகம் வெகுசிறப்புடன் நடந்தது. இதனை முன்னிட்டு நேற்று காலை 07:00 மணிக்கு ஹோமம் வளர்த்து, கும்பம் வைத்து ஜெபம் செய்து, சுவாமி, அம்பாள், முருகன், வள்ளி தெய்வானை மற்றும் விநாயகருக்கு அபிஷேகம் மற்றும் சிறப்பு பூஜைகளை ரகு பட்டா செய்தார். ஏராளமான பக்தர்கள் சுவாமி தரிசனம் செய்தனர். ஏற்பாடுகளை தக்கார் முத்துராஜா, செயல் அலுவலர் ஜவகர் மற்றும் கோயில் பட்டர்கள், ஊழியர்கள் செய்திருந்தனர்.