சேலம்: அப்பா பைத்தியம் சுவாமி கோவில் கும்பாபி ேஷகத்தில், புதுச்சேரி முதல்வர் உள்பட திரளான பக்தர்கள் தரிசனம் செய்தனர். சேலம், சூரமங்கலம் அப்பா பைத்தியம் சுவாமி கோவில் கும்பாபி ேஷக விழா நேற்று நடந்தது. முன்னதாக சற்குருவுக்கு, 108 திரவியம் வழிபாடு, வேள்வி நிறைவு, திருமுறை இசை, திருவடி விண்ணப்பங்கள் உள்ளிட்டவை நடந்தன. அறம் செய்தல் வழிபாடு நடத்தப்பட்டு, திருக்குடங்கள் புறப்பட்டன. தொடர்ந்து விமானம், விநாயகர், முருகர், சற்குரு அப்பா பைத்தியம் சுவாமிகளுக்கு கும்பாபி ேஷகம் செய்யப்பட்டு, புனித நீர் தெளிக்கப்பட்டது. விழாவில் புதுச்சேரி முதல்வர் ரங்கசாமி, சேலம் ஆர்.டி.ஓ., விஷ்ணுவர்த்தினி, கோவில் நிர்வாகி முத்துமாணிக்க ராஜா, மேற்கு தாசில்தார் தமிழரசி உள்பட ஏராளமான பக்தர்கள் தரிசனம் செய்தனர். தொடர்ந்து திருமஞ்சனம், அலங்கார வழிபாடு, மகா தீபாராதனை செய்யப்பட்டது.