பூவந்தி: பூவந்தி பந்தலுடைய அய்யனார் மற்றும் ஒய்யவந்தான் அம்மன் கோயில் கும்பாபிஷேக விழா 12 ஆண்டுகளுக்கு பிறகு நேற்று வெகு சிறப்பாக நடந்தது. கடந்த சில மாதங்களாக திருப்பணி வேலைகள் நடந்து வந்த நிலையில் கும்பாபிஷேகம் 7ம் தேதி நடத்த தீர்மானிக்கப்பட்டு 5ம் தேதி முதல் யாகசாலை பூஜைகள் தொடங்கின. காலை 9 மணிக்கு மதுரை செல்லம் சிவாச்சார்யார்கள் தலைமையிலான குருக்கள் புனித நீர் அடங்கிய கலசங்களை சுமந்து யாகசாலையை வலம் வந்த பின் காலை பத்து மணிக்கு கும்பத்தில் புனித நீர் ஊற்றி கும்பாபிஷேகத்தை நடத்தி வைத்தனர். கும்பாபிஷேகத்திற்கான ஏற்பாடுகளை கிராமத்தார்கள் செய்திருந்தனர்.