ஆர்.எஸ்.மங்கலம்: ஆர்.எஸ்.மங்கலம் அருகே சிலுகவயல் தாழை மடல் காளியம்மன் கோயிலில், பௌர்ணமியை முன்னிட்டு பௌர்ணமி பூஜை நடைபெற்றது. முன்னதாக அம்மனுக்கு பால், பன்னீர், இளநீர், சந்தனம் உள்ளிட்ட 18 வகையான அபிஷேக ஆராதனைகள் நடைபெற்றன. தொடர்ந்து அம்மன் துதி பாடல்கள் பாடப்பட்டு, சிறப்பு அபிஷேகம் நடைபெற்றன. இதில் சுற்றுப்புற பகுதி கிராமங்களைச் சேர்ந்த, ஏராளமான பக்தர்கள் கலந்து கொண்டனர். இதே போன்று, ஆர்.எஸ்.மங்கலம் அருகே மேலச்செங்குடி பத்திரகாளியம்மன், கருப்பண்ண சுவாமி கோயிலில், பௌர்ணமியை முன்னிட்டு அம்மனுக்கு பால்,பன்னீர், இளநீர் உள்ளிட்ட 18 வகையான அபிஷேக ஆராதனைகள் நடைபெற்று, தீப ஆராதனை காண்பிக்கப்பட்டன. சிறப்பு வழிபாட்டில் குலதெய்வ நாடார் உறவின் முறையினரும், பொதுமக்களும், கலந்து கொண்டு தரிசனம் செய்தனர்.