பெ.நா.பாளையம்: பெரியநாயக்கன்பாளையம் அருகே உள்ள பாலமலை ரங்கநாதர் கோவிலில் இன்று புரட்டாசி மாத சனிக்கிழமை உற்சவம் துவங்குகிறது.

பெரியநாயக்கன்பாளையம் அருகே பாலமலை ரங்கநாதர் கோவில் உள்ளது. ராமானுஜர் வருகை புரிந்த திருத்தலம் என பெயர் பெற்றது. இங்கு புரட்டாசி மாத முதல் சனிக்கிழமை விழா இன்று துவங்குகிறது. முதல் சனிக்கிழமையான இன்று ரங்கநாதர், தாயார்களுடன் அன்ன வாகன உற்சவத்தில் எழுந்தருளி பக்தர்களுக்கு அருள்பாலிக்கிறார். இரண்டாம் சனிக்கிழமையான, 24ம் தேதி அனுமந்த வாகன உற்சவத்திலும், மூன்றாம் சனிக்கிழமை அக்., 1ம் தேதி சேஷ வாகன உற்சவத்திலும், நான்காம் சனிக்கிழமை அக்., 8ம் தேதி கருட வாகன உற்சவத்திலும், ஐந்தாம் சனிக்கிழமை அக்., 15ம் தேதி யானை வாகன உற்சவத்திலும் எழுந்தருளி, பக்தர்களுக்கு அருள் பாலிக்கிறார். விழாவையொட்டி, சிறப்பு பஜனை, நடனம், வாண வேடிக்கை உள்ளிட்டவைகள் நடக்கிறது. நிகழ்ச்சிக்கான ஏற்பாடுகள், கோவில் பரம்பரை அறங்காவலர் ஜெகதீசன் தலைமையில் நடந்து வருகிறது.